Bulikiti talaga! Nakay daw sugad sini an namamatian ko niyan? Pamati ko talaga in love na ako kan Kill Joy (KJ) pan-0 pirmi na lang siya an sulod san isip ko – aga, hapon nan gab-i – nan pagnag-iistoryahan o kaya nagkakaupod kami na duwa lang diri ko masabutan an karuyagan san puso ko. Bulikiti! May-on baga kita kasabihan na pag pirmi daw in-iisip san sayo na tawo an sayo na tawo na gusto niya ibig sabihon in love. Mao baya ha? Bulikiti talaga! In love na talaga ada ako kan KJ. Hehehe! Pang-adik.
Litrato niyan na adlaw: fogs sa UP Baguio Oblation Grounds
Pero minsan inkokontrol ko an sadiri ko. Malin an habo ko ma-inlove sa kaniya kay pan-o aram ko may-on na tagsadiri san kaniya puso. Kun ipadagos ko pa an ako namamatian, ako lang mismo an makukulugan. Niyan pa lang ngani na pamati ko in love na ako sa kaniya nagseselos nan medyo nakukulugan na ako kun naiimud ko siya nakiistoryahan kan R. Nag-iistoryahan lang talaga sira pero nagseselos talaga ako.
Tsk! Nano daw an himuon ko? Maski piriton ko pan-o na maghuru-harayu mun-a kan KJ diri ko talaga mahimo. Gusto ko uruadlaw ko siya nakakaupod. Bulikiti talaga!
Kanina pa kunta ako masurat dini sa blog ko kaso lang nag-brown-out kanina. Hikhik! Mayad ngani kay nagkakuryente na! Gusto ko imudun ulit an video nira Hayden Kho nan Katrina Halili kaso lang wara ako sa mood nan hali pa lang ako magsimba. Habo ko magkasala an ako mga mata nan isip! Hehehe! Ngapala, nag-imagine na naman ako kagab-i! Hehehe! Pang-adik!
2 Comments
Monday,June 22, 2009 at Monam30UTC +00:0020092830UTC22:
Hahaha! Mayadon an imadyin mo siguro san sayo kagab-i nan kun nano namamatian mo payt lang, ayaw pagpapa urhi!
Sunday,July 5, 2009 at Sunpm31UTC +00:0020090231UTC05:
Hehehe! Bulikit, salamat saimo pagbisita sa ako blog! Hehehe! Niyan lang ako nakaisip magreply saimo comment. Salamat talaga.